रखिया बंधईया भईया...

 एकही हम कोखिया से भईली भईया,.  

दौड़े-दौड़े आके रखिया बँधईया भईया।

दौड़े-दौड़े आईब बहिनी रखिया बँधाईब,
जब ले परान रही धरम ई निभाईब।
अन्न, धन, सोनवाँ न चाही भईया,
दौड़े-दौड़े आके रखिया बँधईया भईया।
एक ही हम कोखिया से भईली भईया,
दौड़े-दौड़े आके रखिया बँधईया भईया।

खेलली औ कुदली सयान साथ भईली,
मारपीट कितना लड़कपन में कईली।
नईहर कै महकिया संग लिहले अईहा,
दौड़े-दौड़े आके रखिया बँधईया भईया।
एकही हम कोखिया से भईली भईया,
दौड़े-दौड़े आके रखिया बँधईया भईया।

सबके रुलाय बहिना छोड़लू अँगनवाँ,
माई-बाप, दादी कै बाटू तू परनवाँ।
तोहके फिर से पलकिया बिठाई भईया,
दौड़े-दौड़े आके रखिया बँधईया भईया।
एकही हम कोखिया से भईली भईया,
दौड़े-दौड़े आके रखिया बँधईया भईया।

रामकेश एम. यादव, मुम्बई